HOT ITEM

CRISELDA NAKIKI-EKSENA!

2007-01-09T14:39:00.000+08:00

ALL of a sudden ay biglang nadawit ang pangalan ni Criselda Volks sa isyu ng away nina Lara Morena at Tonio Quiazon- na ikinagulat ng marami, especially ng mga taong nakakaalam sa tunay na pangyayari.

Noong umaga kasi ng January 3 ay parehong isinugod sa magkaibang ospital ang dating magkasintahan na sina Lara at Tonio dahil na naman sa isang violent confrontation- na tila hindi matapos-tapos. Nang parehong ma-interview sa TV, nakitang may tahi sa may itaas na labi si Tonio, samantalang si Lara naman ay iika-ika at may benda sa braso dahil nagkapilay.

According to Tonio, sinaksak siya ni Lara ng isang matalim na bagay at sa may mukha pa.

Pero ayun kay Lara na personal kong nakausap, self-defense daw ang nangyari dahil puwersahan umano siyang pinasok ni Tonio sa kanyang kuwarto (ipinakita pa niya ang wasak na pinto sa condo) at sinaktan. Dahil di na niya ang lahat, naisip niyang depensahan na ang sarili.

Ang palaisipan ay kung paano biglang nadawit ang pangalan ni Criselda Volks sa away na ito.

Nabanggit ni Tonio sa isang TV interview na nagselos daw si Lara kay Criselda.

Maging si Lara ay nagulat kung paano lumabas ang ganung chika dahil pinaninindigan niyang hindi kasali si Criselda sa away nila.

So what’s the real score? Nagpopromote ba si Criselda ng kanyang bagong pelikula?

Just wondering.

MAYO SUZUKI!

2007-01-08T21:18:00.000+08:00

Um-attend kami ng birthday ni Tita Maribel na mommy ni Mayo Suzuki- ang half-Filipino half-Japanese singer na minsan na umanong pinagselosan ni Sandara Park dahil close ito kay Joseph Bitangcol. Nagkaroon kasi ng mall tour si Mayo to promote her album na Telling My Heart at ang boyfriend ni Sandara ang isa sa guests nito. We half expected na nasa party ni Tita Maribel si Joseph, pero nang dumating kami- hulaan niyo kung sino ang katabi ni Mayo? Si Carlo Aquino! Aba, dun kami nagulat huh! Ano kaya ang reaction ni Angelica kapag nalaman niya ito?

Anyway, nakakatuwa itong si Mayo dahil kahit lumaki sa Japan ay diretso kung managalog- daig pa ang mga half-breed na ilang taon nang nasa Pilipinas pero hindi pa rin makapagsalita ng tagalog. Sabi nga ng isang malapit kay Mayo, talagang dedicated daw ito sa pinasok na career. Nag-aral ng husto ang dalaga para mabilis na matuto ng tagalog at mahabang oras ang ginugugol nito para mag-voice lessons.

Bukod sa mga mall tours at special shows, busy din si Mayo sa pagpromote ng iba’t ibang lalawigan sa Pilipinas dahil siya ang Youth Ambassadress for International Concern ng League of Municipalities.

THE NEXT BIG THING?

2007-01-08T21:16:00.001+08:00

MAJA Salvador as an actress is undoubtedly one of the finest in her generation. Parang kailan lang nang ipakilala siya sa telebisyon, bilang isang anak na nangungulila sa ama- na miyembro ng famous Salvador Clan of showbiz. After that, sumabak na rin siya sa pag-arte. Mula sa bit roles, mabilis na nakita ang natural na angking talento ni Maja kaya naman sunod-sunod ang kanyang naging projects- sa TV at sa pelikula.

Sa pagpasok ng taong 2007, sinasabing isa si Maja sa precious talents ng ABS-CBN na pakikinangin ng husto. After all, magandang break din ang naibigay sa kanya this year via Sukob and First Day High, bukod pa sa mga teleserye at TV appearances.

Malakas nga ang bulong-bulungan ngayon na ang alaga ni Manay Chit Ramos ang ginu-groom ng Dos for bigger roles. Hindi naman malayong mangyari ito knowing malaki ang potential ni Maja to make it really big. Kapag nagkataon, makakahanay na niya sina Juday, Claudine, Bea at Kristine- na pawang Dos ang nagbigay ng big break.

Meanwhile, wish talaga ni Maja na makabili na ng sariling bahay para sa kanyang pamilya. Bilang tumatayong breadwinner, mabigat ang responsibilidad ngayon ng dalaga dahil may pinapag-aral siyang kapatid. Kaya kapag mas malaking break ang naibigay kay Maja this 2007, malamang na matupad na ang wish niya for her family.

HUMAHATAW SA DANCE FLOOR

2007-01-08T21:15:00.001+08:00

WALA pang isang taon nang mabuo ang all-male dance group na WindBraker pero hataw na sila sa mga shows and events. I met the group recently and bigla kong naalala ang UMD noong 90’s. Mga bagets pa ang members ng WindBraker- most of them between 18 to 22 years old lang, puro magagaling sumayaw and in fairness, may mga itsura.

Ayun kay Willy Balingit (na owner ng Artista Salon diyan sa Visayas Avenue) na siyang tumatayong manager nila, noong summer lang siya nagpa-audition for the group, and so far, happy naman siya sa nangyayari sa kanyang mga alaga. Aba, nagba-back up kay Mark Herras ang grupo, at recently nga ay kay Lovi Poe pa (ang magandang anak ni FPJ na recording artist na under Sony-BMG). Madalas ding guest sa mga tv shows ang grupo- pati sa SOP at Master Showman.

Wish ng grupo na mas dumami pa ang shows nila this 2007.

GLAIZA, ISA SA PINAKA-BUSY!

2006-12-26T22:53:00.000+08:00

MASUWERTE ang taong 2006 kay Glaiza de Castro- ang magaling na young actress na madalas masabihang kahawig ni Angel Locsin. Nakarami siya ng pelikula, including hits like Manay Po, White Lady and Sukob, pati na din sa Pacquiao The Movie at sa kontrobersyal na Twilight Dancers. Hindi nabakante ang magandang dalaga from Valenzuela dahil aside from movies e humataw din siya sa TV. In fact nominated siya as Best Actress sa last PMPC Star Awards for TV. Identified si Glaiza sa ABS-CBN for awhile but a few months ago ay mas naging active siya sa GMA7, being part of Fantastikids.

Masaya nga si Glaiza sa takbo ng kanyang career, especially now na kasama pa siya sa entry ng Regal sa Metro Manila Film Festival- ang ZSAZSA ZATURNAH. Naisingit din ni Glaiza sa kanyang hectic schedule ang paggawa ng album, in fact nai-shoot na ang kanyang MTV. Nakapagsimula na rin siyang mag-taping for Asian Treasures kung saan kasama niya sina Robin Padilla, Angel Locsin, Marvin Agustin and Mon Confiado. Kapatid ni Robin ang role niya dito (dapat kapatid na lang ni Angel Locsin since magkahawig sila!).

With all these blessings, wish ng dalaga this Christmas na sana magtuloy-tuloy till 2007 ang kanyang suwerte. Malamang na ito din ang kanyang birthday wish dahil ilang linggo na lang at magdiriwang na siya ng kaarawan.

NOTE:
I would like to thank Christian Bautista for sending a box of fruitcake the other day- also Jennifer Lee for the fruits. I wish you guys more success and blessings.

And to all, MERRY CHRISTMAS!

HINDI GIMIK ANG LAHAT!

2006-12-26T22:51:00.000+08:00

INAMIN ni Lara Morena na masama ang loob niya sa mga balitang lumabas na gumigimik lang siya at scripted ang nangyaring bugbugan blues sa kanila ng ex-boyfriend.

“Hindi ko ginustong mabugbog ako! Sino ba naman ang gusto ng sakit ng katawan?” mangiyak-ngiyak niyang pahayag sa isang exclusive interview. “Yung mata ko nga matagal bago nawala yung namuong dugo.”

Ani Lara ay tinuluyan niya ng demanda ang kanyang dating boyfriend na si Tonio Quiazon ng Viva Hot Men. Sa katunayan, naka-dalawang hearing na sila sa piskalya. Nagkaharap-harap ang dating mag-jowa noong Martes sa korte, with their respective lawyers.

Ayun pa sa sexy actress, kung tutuusin ay magastos ang magsampa ng kaso pero itinuloy pa rin niya ang reklamo sa korte dahil nga imbyerna na siya. Sana lang daw ay tigilan na ng iba ang pagsasabing gumigimik lang siya dahil hawak niya lahat ng kanyang hospital bills, police reports pati ang certificate mula sa medico-legal.

Ang higit na dinaramdam ngayon ni Lara ay ang matinding pangungulila sa dalawang anak na hindi na niya nakikita. Simula kasi nang lumabas ang sunud-sunod na eskandalo sa kanya, hindi na umano ipinapakita sa kanya ng kanyang ex-husband ang kanilang dalawang anak dahil apektado na ang mga bata.

Gumaling na nga ang mga sugat at pasang dulot ng pananakit sa kanya. Pero ang sugat sa kanyang puso at pagkatao ay ramdam pa rin niya hanggang ngayon.

SUPER IDOL

2006-12-26T22:50:00.000+08:00

SA showbiz, hindi nawawala ang mga title- superstar, mega star, diamond star- lahat na ng puwedeng ikabit sa pangalan ng celebrity- kasi status symbol yun kung gaano kasikat ang artista. And since nagsulputan din ang napakaraming search ng kung anu-ano, lalong dumami ang mga titulo ng mga winners. May PBB Grand Winner, Star Struck Ultimate Survivor, Philippine Idol at ang latest nga ay ang PDA Grand Dreamer.

At sa lahat ng ito, pahuhuli ba naman ang anak ni Annabelle Rama? Kung sa TV, siya si Captain Barbell, sa mga taga-media, kilala ngayon si Richard Gutierrez bilang Super Idol of Philippine Cinema. Well, it’s about time kasi sunud-sunod naman talaga ang successful projects ng poging kapatid ni Ruffa. Very in-demand siya both as an actor and endorser.

After Captain Barbell ay may kasunod na agad siyang teleserye and of course, sila ng ka-loveteam na si Angel Locsin ang bida sa Mano Po 5, na entry ni Mother Lily sa Metro Manila Film Festival (MMFF). He is definitely one of the busiest actors we have in the industry.

MOVIE NI JUDAY AT RYAN, INAABANGAN!

2006-12-21T20:47:00.000+08:00

NGAYON pa lang ay hindi na mapakali ang mga fans sa Metro Manila Film Festival entry ng reel and real sweethearts na sina Judy Ann Santos at Ryan Agoncillo- ang pelikulang KASAL, KASALI, KASALO na handog ng Star Cinema. Halos magcountdown na sila para sa big day, which would be on December 25- sa mismong araw ng pasko.

In fairness sa pelikula, trailer pa lang ay nakakakilig na and kahit gasgas na ang plot tungkol sa realities of a married life, very modern naman ang pagkaka-package ng kuwento. Maski ang mga supporting stars ay markado ang mga roles. Kaya naman kahit hindi mga die-hard fans nina Juday and Ryan, inaabangan ang pelikula. Mas nagpaganda pa sa Kasal, Kasali, Kasalo ay ang theme song nito na Hawak-Kamay na pinasikat ng 1st Pinoy Dream Academy winner na si Yeng Constantino.

Sa mga gustong kiligin sa pasko, eto ang panoorin niyo. Kasama sa pelikula sina Gloria Diaz, Ariel Ureta, Gina Pareno, Juliana Palermo, Tuesday Vargas and Lui Villaruz, directed by Joey Reyes.

PINSAN NI KITCHIE, SASABAK NA RIN SA PAGKANTA

2006-12-21T20:45:00.000+08:00

YES, pinsan ni Kitchie Nadal ang baguhang singer na si Joy Velasco, a beautiful young girl with a golden heart. Mahilig kasi siyang tumulong sa mga less fortunate children. In fact, isang benefit show ang kanyang gagawin sa December 23, 2006 sa Makati para matulungan naman ang mga juvenile delinquents.

Say nga ng kanyang mother, nagulat siya nang malamang hilig ng kanyang dalagita ang pagkanta dahil eversince ay sa sports ito nag-e-excel. Kaya naman nang malaman niyang gusto nitong maging singer like her cousin Kitchie, full support naman agad sila.

High school pa lang si Joy pero involved na siya sa mga socio-civic activities and charitable works. Maaga siyang namulat sa pagtulong sa mga kapus-palad dahil nasa Rotary Club ang kanyang mommy.

Mahinhin at parang angel kung titingnan itong si Joy- animo’y hindi makabasag pinggan pero iba pala ito kapag nasa stage na at nagpe-perform. All out siya sa kanyang pagkanta at feel na feel niya. Nakita na namin itong magperform sa TV at maganda ang rehistro ng bata- may future ika nga.

Right now, bukod sa kanyang pag-aaral ay abala si Joy sa paghahanda para sa kanyang album na hopefully ay ma-release early next year.

Kung ano ang mga nilalaman ng kanyang upcoming album, abangan na lang daw.

LANCE RAYMUNDO, X-RATED ANG MUSIC VIDEO!

2006-12-18T21:57:00.000+08:00

Published, December 18, 2006
TORO

MAY pagka-sexy ang music video ng The Beautiful Sun ng singer na si Lance Raymundo pero hindi malaswa- lalong hindi bastos ang pagkakagawa. In fact, artistic and medyo European ang style. Kaya marami ang nagtataka (sa mga nakapanood), especially Lance himself, kung bakit nabigyan yun ng X-Rating ng MTRCB.

“It’s not fair,” ito ang nasabi ni Lance sa isang interview. “Hindi naman bastos ang music video ko, basta na lang binigyan ng X.”

At para patunayan na hindi malaswa ang kanyang music video- ipinakita niya yun sa media. Matapos ang video- pare-pareho ang naging tanong ng mga nakapanood- bakit na-x rated?

Pero imbes na maghimutok na lamang sa isang tabi, mas minabuti ni Lance na magpaka-busy na lang sa kanyang mga singing engagements. Left and right ang kanyang mga guestings and shows kaya wala na siyang oras para maimbyerna pa sa nangyari sa kanyang music video- na ginastusan pa. Gagawa na lang uli siya ng music video kapag lumabas na ang kanyang bagong single early next year. Like his CD na Beautiful Sun na produced by his brother, Rannie Raymundo- ang kanyang ilalabas na CD next year ay kuya pa rin niya ang magpo-produce.

Sa mga naiintriga kung ano ang nilalaman ng music video ni Lance, maari itong masilip sa website na www.thebeautifulsun.com

CONGRESSMAN, CRUSH NI JENNIFER!

2006-12-17T20:01:00.000+08:00

Published, December 17, 2006
TORO

ISA sa mga bata at sikat na congressman ang crush ng Viva Hot Babe na si Jennifer Lee. In fact, excited siya at nagmamadali nung kelan lang dahil um-attend siya ng premiere night ng isang indie film. Andun daw kasi ang crush niya.

“Crush lang naman! Magaling kasi,” ani Jennifer, na ang tinutukoy ay ang magaling na mambabatas.

Alam ba niyang may misis na ang batang congressman?

“Opo. Hanga lang naman po ako sa kanya, that’s all.” Clue kung sino sa mga kongresista ang hinahangaan ni Jen? Well, lalake po siya at guwapo- laging nagsasalita sa mga issues. Yun lang, at baka magalit ang dalaga.

Regular sa sitcom ng ABS-CBN na AALOG-ALOG si Jennifer Lee. May dance video silang ginawa ni Sheree called Body Pump under Viva Films.

ISABEL GRANADA BALIK PELIKULA

2006-12-16T15:57:00.000+08:00

Published, December 16, 2006
TORO

BALIK pelikula si Isabel Granada via Sean Lim’s indie movie XENOA. Sci-fi thriller ang naturang pelikula at sa website pa lang nila (www.xenoamovie.com), ginastusan na. Mala-Hollywood ang packaging ng Xenoa- why not, e produkto ng Big Foot Entertainment (ang Philippine-based Hollywood Film School na nasa Cebu) ang director na si Sean Lim.

Excited nga si Isabel with the project, lalo pa at kasama din niya ang kanyang husband na si Councilor Geryk Genasky Aguas. Isabel is playing the role of Eli in the movie- isa sa mga bida, while si Geryk naman is playing Dalton.

Makakasama ng mestizang aktres sina Paolo Ballesteros at Rafael Nanquil as lead stars. Ang ibang members ng cast ay puro mga beterano pagdating sa entablado- the likes of Daniel Magisa, Hiyasmin Neri, Felipe Ronnie Martinez, Lili Chu, PJ Lanot and Lesley Leveriza among others.

Very promising ang film na ito na tungkol sa tatlong magkakapatid na tagapagmana ng trono ng Xenoa. Dahil sa matinding banta sa kanilang buhay, nagkahiwa-hiwalay ang tatlo. Ayun nga kay Isabel, very exciting ang pelikulang ito na ilalaban nila sa iba’t ibang filmfest abroad. Puno ito ng aksyon at mga special effects.

Well, goodluck sa buong production and cast ng Xenoa. Sana hindi madisappoint ang moviegoers.

HOT VIDEO NI SHEREE

2006-12-16T15:54:00.000+08:00

Published, December 16, 2006
TORO

DEADMA ang dating Viva Hot Babe na si Sheree sa pagkakabanggit ng name niya sa kontrobersyal na radio program ni DJ MO kamakailan lang. Nakapag-move on na ang sexy singer and right now ay focused siya sa kanyang career.

“Seryoso po ako sa pagkanta and in fact, ginagawa na po yung album ko. Hopefully early next year ay mai-launch na po siya,” kuwento ni Sheree during a recent pictorial. She is still being managed by Jessica Rodriguez.

Katatapos lang ding magshoot ni Sheree ng isang sizzling hot dance video with Jennifer Lee- the chinky-eyed mestiza of Viva Hot Babe. Body Pump ang title ng video na gawa under Viva Films. Like the other controversial videos of Viva, tiyak na marami na naman ang pagpapawisan sa videong ito. 

SEMPLANG SA KOMEDYA ANG REYNA

2006-12-15T11:49:00.000+08:00

Published, TORO (December 15, 2006) Page 5

DISAPPOINTING ang pelikulang REYNA na pinagbibidahan ng PBB Celebrity Winner Keanna Reeves. Nakakatawa ang trailer but sad to say, hanggang doon na lang yun.

Masyado kasing pilit ang pagganap na bading nina Franzen Fajardo, Jason Gainza at Bobby Andrews. Sina Diego at IC Mendoza lang ang natural sa pag-arte. May mga scenes na pilit ginawang nakakatawa pero flat naman- like ang pagsusuot ng mga damit-pambabae nila, di talaga carry. One can be gay and funny without cross-dressing.

Kung hindi dahil kay Eugene Domingo at Melanie Marquez, hindi magmumukhang comedy ang pelikula dahil kahit ang mga dialogue, pilit. Silang dalawa lang ang nagdala ng comedy angle- the rest, slapstick ang dating. Okay sana ang plot- isang babaeng frustrated maging beauty queen kaya’t sumali sa gay beauty pageant- kaso hindi napagyaman ng husto ang kuwento at hindi rin convincing ang mga kinuhang artista for their respective roles. Kaya mahina ang pagka-comedy ng kuwento. Nakakapanghinayang kasi pati ang mga beteranong sina Eddie Garcia at Dick Israel- na kasama sa pelikula- parang nadamay sa kahinaan ng kuwento.

Obviously ay hindi pa ready si Keanna Reeves na magdala ng pelikula kahit nakadalawang starring-roles na siya.